Aqmola oblysy aýmaǵyndaǵy Qyzyluıym aýyly mańyndaǵy qorǵandy qazý kezinde adam súıegi tabyldy. Mamandardyń boljamynsha, ol qola dáýirinde ómir súrgen bolýy múmkin, dep habarlaıdy Egemen.kz Aqmola oblysy mádenıet basqarmasynyń baspasóz qyzmetine silteme jasap.
Ortalyq mamandarynyń málimetine súıensek, adam súıegi oń jaǵymen, basyn soltústik-batysqa qaraı qaratyp, qol-aıaǵy búgilgen kúıde ornalasqan.
«Nashar saqtalǵan osteologııalyq qaldyqtar tabyldy, onyń ishinde bas súıektiń bólikteri, bilek súıekteri, aıaqtyń tirsek súıekteri, azdap jambas súıekteri jarym-jartylaı saqtalǵan», delingen Aqmola oblysy mádenıet basqarmasynyń Tarıhı-mádenı murany qorǵaý jáne paıdalaný ortalyǵy taratqan habarlamada.
Súıek qaldyqtarynyń moıyn bóliginde 20-dan astam pastaly monshaqtary (alqa) tabyldy.