Memleket basshysy quqyqtyq saýattyń mańyzyn aıtyp, ásirese jastarǵa zańdy túsindirý keregin jetkizdi, dep habarlaıdy Egemen.kz.
«Kelesi bir mańyzdy máselege arnaıy toqtalǵym keledi. Polısııanyń joǵary deńgeıdegi ókilderi ýnıversıtetterge, mektepterge baryp, zańdardy jastarǵa túsindirýi kerek. Ásirese, zań buzýdyń saldaryn anyq kórsetýi qajet.
О́kinishke qaraı, bizdiń jastarymyzdyń arasynda zań saýatsyzdyǵy keńinen taralǵan, basqa sózben aıtqanda, jastarymyz zańdy bilmeıdi, zańdy saqtaýdyń mán-mańyzyn túsinbeıdi. Al mundaı quqyqtyq saýatsyzdyqtyń saldary óte aýyr.
Men árbir jıynda qoǵamymyzda zań ústemdigi bolý kerek, sonyń negizinde tártip bolý kerek dep aıtyp júrmin. Polısııa qyzmetkerleri osy qarapaıym tujyrymdamany halyqqa, azamattarǵa, ásirese, jastarǵa jetkizýi kerek», dedi Qasym-Jomart Toqaev.