1 shildede Qazaqstannyń basym bóliginde bultty aýa raıy saqtalyp, jańbyr jaýyp, naızaǵaı oınaıdy, dep habarlaıdy Egemen.kz.
«Qazgıdromet» sınoptıkteriniń habarlaýynsha, 1 shildede respýblıka aýmaǵynyń basym bóligi atmosferalyq frontaldy bólikterdiń yqpalynda bolady, ıaǵnı respýblıkada naızaǵaı oınap, jańbyr jaýady. Tek eldiń soltústiginde, ońtústiginde jáne ortalyǵynda jaýyn-shashynsyz aýa raıy saqtalady.
«Respýblıkanyń basym bóliginde jeldiń kúsheıýi saqtalady, respýblıkanyń batysynda burshaq jaýyp, kóktaıǵaq bolady, soltústikte, túnde jáne tańerteń Qazaqstannyń ortalyǵynda tuman túsedi, kúndiz ońtústikte shańdy daýyl soǵady», dep eskertti sınoptıkter.
Astanada sınoptıkterdiń boljaýynsha, kóshpeli bult shyǵady, jaýyn-shashyn bolmaıdy. Shyǵystan soǵatyn jel 3-8 m/s. Aýa temperatýrasy túnde +11...+13°S, kúndiz +27...+29°S.
Almatyda kóshpeli bult shyǵady, jaýyn-shashynsyz. Soltústik-batystan 3-8 m/s jel soǵady. Túnde +15...+17°S, kúndiz +29...+31°S.
Shymkentte kóshpeli bult shyǵady, jaýyn-shashynsyz. Soltústik-shyǵystan 8-10 m/s jel soǵady. Túnde +18...+20°S, kúndiz +35...+37°S.