Memleket basshysy forýmnyń jumysyna atsalysqan qonaqtarǵa rızashylyǵyn bildirip, Astana kúnimen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
«Qýatty qalalar – el ekonomıkasyn damytýdyń qozǵaýshy kúshi. Sondyqtan biz bul máselege basa mán beremiz. Osyndaı jıyndar tájirıbe almasyp, ózara tıimdi baılanystar ornatýǵa jol ashady. Astanaǵa arnaıy kelip, forýmnyń jumysyna atsalysqan qonaqtarǵa taǵy da rızashylyǵymdy bildiremin. Sizderdiń oı-pikirlerińiz biz úshin óte mańyzdy.Bul basqosý dostyq qarym-qatynasty nyǵaıtýǵa tyń serpin bereri sózsiz. Qalalarymyz kórkeıe bersin! Barshańyzǵa baq-bereke, tolaǵaı tabys tileımin! Astana kúni qutty bolsyn!», dedi Memleket basshysy.