Memleket basshysy Qasym-Jomart Toqaev Astana álemge birlik pen berekeniń besigi retinde tanylǵanyn atap ótti. Bul týraly Prezıdent Astananyń 25 jyldyq mereıtoıyna arnalǵan baýyrlas qalalar forýmynda aıtty, dep habarlaıdy Egemen.kz.
«Astana – dinniń basyn qosqan, dinbasylardyń dástúrin toǵystyrǵan shahar. Budan bólek, elorda tórinde talaı márte dúbirli dodalar men halyqaralyq saıystar ótti. Bir sózben aıtqanda, Astanany birlik pen berekeniń besigi deýge tolyq negiz bar», dedi el Prezıdenti.
Osy tusta Memleket basshysy elordada eń mańyzdy sheshimder qabyldanyp jatqanyn eske saldy.
«Qazir Astanada Almaty, Aqmeshit, Orynbor, Túrkistan, Saýran, Syǵanaq, Saraıshyq kósheleri bar. Bul – eldik pen memlekettilik tarıhynyń naqty kórinisi. Astana – elimizdiń júregi. Bul qalada eń mańyzdy sheshimder qabyldanyp jatyr. Keleshekte de laıym solaı bolmaq», dedi Qasym-Jomart Kemeluly.