4 shildede Qazaqstan Respýblıkasy Syrtqy ister mınıstrliginiń «Otandastar Qory» KeAQ qory prezıdenti bastaǵan Qazaqstandyq delegasııa Mońǵolııanyń elordasy Ulanbatyrdyń Nalaıh aýdanynyń ákimi Ch.Radnaabazar jáne máslıhat depýtattarymen kezdesti, dep habarlaıdy Egemen.kz «Otandastar qorynyń» baspasóz qyzmetine silteme jasap.
Aıta ketsek, bul aýdanda 6 myńǵa jýyq qandasymyz turady.
Kezdesýge «Otandastar Qory» KeAQ prezıdenti Abzal Saparbekuly, Qazaqstan Respýblıkasynyń Mońǵolııadaǵy Elshisi Ǵabıt Beıbituly Qoıshybaev bastaǵan delegasııa músheleri, QR Májilis depýtattary Únzıla Shapak, Nurgýl Taý, Jarqynbek Amantaı, dıplomatııa ardageri Saılaý Batyrshauly, jazýshy Kádirbek Qunypııa, «Prezıdent jáne halyq» gazetiniń bas redaktory Marat Toqashbaev, jazýshy Aýyt Muqıbek, Túrkııanyń Mımar Sınan ýnıversıtetiniń professory Abdýlvahap Qara, Nalaıh aýdanynda qyzmet etetin «Er birligi» úkimettik emes uıym basshylary men ókilderi qatysty.
Kezdesý barysynda «Otandastar Qory» KeAQ prezıdenti Abzal Saparbekuly Mońǵolııadaǵy jáne Qazaqstanǵa kóship kelgen qandastarymyz Mońǵolııa memleketiniń qamqorlyǵyn erekshe yqylas-rızashylyqpen eske alatynyn jáne bul shyn júrekten shyqqan sóz dep atap ótti. Sózin jalǵastyra kele, Qoǵam basshysy Mońǵolııa qazaqtarynyń kishi quryltaıy aıasynda josparlanǵan is-sharalar týraly aıtyp berdi. Bul quryltaıdyń negizgi maqsattarynyń biri Mońǵolııadaǵy qandastarymyzdyń odan ári eki dos el arasynda altyn kópir bolyp qala berýin jalǵastyrý.
О́z kezeginde QR Májilisi depýtattary Únzıla Shapaq, Nurgúl Taý jáne Jarqynbek Amantaı Mońǵolııa eliniń týmalary retinde Mońǵolııaǵa kelgenderine qýanyshty ekenin jáne parlamentaralyq baılanystarǵa óz úlesterin qosýǵa daıyn ekenderine senim bildirdi.
Dıplomatııa ardageri Saılaý Batyrshauly 1992 jj. táýelsizdiktiń alǵashqy jyldaryndaǵy qarym-qatynastar týraly syr shertti.
Aıta ketsek, kishi quryltaı aıasynda, Mońǵolııanyń Ulan-Batyr, Hobda, Baıan-О́lgeı aımaqtarynda Mońǵolııa resmı tulǵalarymen kezdesýler, eki eldiń ǵalymdarymen dóńgelek ústel, kitap tusaýkeserleri, eskertkish pen kóshe ashý, kishi quryltaı otyrysy, bıznes forým jáne Qaraǵandy Táttimbet atyndaǵy konservatorııa orkestiriniń konserti josparlanyp otyr.