Parlament Senatynyń depýtattary Janna Asanova men Nurııa Nııazova QR UQK Shekara akademııasynyń basshylyǵymen kezdesti. Onda ulttyq qaýipsizdikti qamtamasyz etý salasyndaǵy zańnamany odan ári jetildirý máselelerin talqylady, dep habarlaıdy Egemen.kz Senattyń baspasóz qyzmetine silteme jasap.
Kezdesý barysynda oqýyn bitirgen túlekterge suranys deńgeıi, olardyń jumysqa ornalasý paıyzy, shekarashylardy joǵary oqý ornynan keıin jáne oǵan qosymsha oqytý tártibine qatysty máseleler kóterildi.
«Akademııa jalpy geosaıası jaǵdaıǵa baılanysty ofıserlik kadrlardy daıarlaýǵa qoıylatyn talaptardyń da ósip kele jatqanyn eskerýi tıis. Senattyń Halyqaralyq qatynastar, qorǵanys jáne qaýipsizdik jónindegi komıteti Akademııa túlekterin Qazaqstan Respýblıkasynyń shekarasyn qorǵaý jónindegi mindetterdi abyroımen atqarýǵa múmkindik beretin qazirgi zamanǵy kásibı quzyretterdi ıgerý úshin barlyq qajetti jaǵdaımen qamtamasyz etýdi mańyzdy dep sanaıdy», dedi senator Asanova.
Kezdesýge qatysýshylar Akademııanyń ǵylymı-zertteý qyzmeti jáne onyń ulttyq qaýipsizdik pen áskerı saladaǵy irgeli jáne qoldanbaly zertteýler máselelerin de talqylady.
Senatorlar bilim berý úderisin tehnıkalyq jabdyqtaý máselelerine, sondaı-aq Akademııa qabyldaǵan ıdeologııalyq dúnıetanym men qazaqstandyq patrıotızmdi qalyptastyrý sharalaryna erekshe nazar aýdardy.