Ekonomıst Maqsat Halyq Zańsyz ıemdengen aktıvterdi elge qaıtarý týraly zańǵa baılanysty pikir bildirdi, dep habarlaıdy Egemen.kz.
«Zańsyz ıemdenilgen aktıvterden túsken qarjy ulttyq qordyń esepshotyna aýdarylǵany durys dep esepteımin. Biz sonyń arqasynda ulttyq qorymyzdy eseleımiz. Memleket basshysy 100 mlrd dollardan asyrý kerek degen meje qoıǵan edi. Eger osy qarajatty osy ulttyq qordyń shotyna aýdaratyn bolsaq, sol mejege tez-aq jetetin bolamyz.
Kóptegen zańdy qabyldaýǵa úles qosqan depýtattardan ol aqshanyń qaıda jumsalatynyn suraǵanmyn, olar halyqtyń ekonomıkalyq jaǵdaıyn jaqsartýǵa baǵyttaýǵa, ómir súrý sapasyn joǵarylatýǵa baǵyttalady degen pikirdi alǵa tartty. Árıne, adamı faktor bolǵandyqtan qarjy talan-tarajǵa ushyrap ketpeı me degen suraq týyndaıdy.
Sondyqtan bul ulttyq qordyń esepshotyna tússe, birinshiden ulttyq banktiń qadaǵalaýynda bolady.
Ekinshiden, Ulttyq qordyń kólemin ulǵaıtamyz.
Úshinshiden, ulttyq qordyń ınvestısııalyq kirisi de eselenetin bolady. Bul degenimiz bolashaq urpaqqa beriletin qarajattyń kólemin ulǵaıtamyz degen sóz», dep túıindedi Maqsat Halyq.