Oraldyq oqýshylar – absolıýtti chempıon

Jarys maýsymnyń sońynda, Almaty qalasynda ótken. Eki kúnge sozylǵan halyqaralyq jarysqa Oral qalasynan bar­ǵan «HighTech» jáne «Jaiyq» ko­man­dalary belsene qaty­syp, 35 komandanyń arasynan dara shyǵyp, 5 kýbok je­ńip aldy. «Jaiyq» komandasy óz ka­te­­­gorııasynda chempıon atansa, «HighTech» fınalda Birik­ken Arab Ámirlikteriniń Dýbaı qa­la­­sy­nan kelgen komandamen baq synasyp, absolıýtti chempıon atanǵan.

– Jarysta oqýshylardyń tek robot qurastyrý ǵana emes, álem­degi kúrdeli máselelerdi sheshýge arnalǵan jobalar usynýy da kerek boldy. Ár komanda ózderiniń jan-jaqtylyǵyn kórsete bi­lýi qajet edi. Olar 5 túrli ba­­ǵyt bo­ıynsha synǵa tústi. Ko­man­danyń aýyzbirshiligi, pid zona, robot dı­zaıny jáne taǵy da bas­qa sy­naqtar boldy. Bizdiń oqý­shylar senimdi aqtady, – deıdi oraldyq oqýshylardy bastap barǵan qos jetekshiniń biri Abdolla Abý­tolybov.

Oraldyq qos komandadaǵy 12 oqýshynyń jeteýi – Nazarbaev zııatkerlik mektebiniń ókilderi. Fınaldyq kezeńde Dýbaıdan kelgen komandany jeńip, «Robot Performance Award», «Champions award» kategorııalary boıynsha absolıýtti chempıon ataǵyna laıyq dep ta­nylǵan «HighTech» túgelge jý­yq zııatkerlerden quralǵan. Ko­manda jetekshisi Nurbol Qy­ryqbaev «Eń úzdik mentor» atandy.

– Robottehnıka – bola­shaq­­tyń baǵdary. Qazaqstanda qarqyn alyp kele jatqan osy salaǵa NIS oqýshylarynyń qy­zy­ǵýshylyǵy joǵary. Bú­ginde mektebimizde bilim alyp júr­gen Ramazan Qazbekov, Arsen Esen­ǵalıev, Ádiljan Temirzahov, Dáý­let Muqanov, Álıhan Serik, Taıyr Nazar, Ádil Ergen syndy zııatkerlerimiz keleshekte elimizdiń robottehnıka salasyn órkendetýge súbeli úles qosaryna senemiz, – deıdi Oral qalasyndaǵy fızıka-matematıka baǵytyndaǵy Nazarbaev zııatkerlik mektebiniń baspasóz hatshysy Móldir Latıfova.

Joǵarydaǵy zııatkerlerge qosa, jeńimpaz komanda músheleri qatarynda Oral qalasyndaǵy Aqparattyq tehnologııalar kol­ledjiniń 2-kýrs stýdenti Ǵubaı­dolla Beksultan, №46 mek­teptiń 7-synyp oqýshysy Tóre­han Ashatuly, №5 mekteptiń 10-synybynda oqıtyn Artýr Jaqsyǵalıev, №41 mekteptiń 8-synyp oqýshysy Raıymbek Ǵabdýllın, №46 mekteptiń 8-sy­nyp oqýshysy Álııslam Qur­manǵalıev te bar.

Jeńimpazdardy Batys Qazaq­stan oblysy ákiminiń orynbasary Baqytjan Narymbetov qa­byldap, Alǵyshat jáne estelik syılyqtarmen marapattady. Ta­lantty oqýshylardy bola­shaq­ta da qoldap turýǵa ýáde berdi.

Aıta keteıik, mundaı qol­daý kóp keshikpeı-aq qajet bolýy múmkin: qazir oraldyq oqý­shylar tamyz aıynda Qytaı­dyń Makao qalasynda ótetin ja­rystyń irikteý týryna da­ıyndyqqa kirisip te ketti. Ha­lyqaralyq bedeli zor saıysqa Qazaqstandaǵy irikteý týrynan jeńimpaz atanǵan komanda ǵana barady. Sondyqtan oraldyqtar ózderiniń úzdik ekendigin taǵy bir márte dáleldeýge tyryspaq.

Oral qalasyndaǵy Oqýshylar saraıynda robottehnıka úıir­mesi ashylǵanyna 5-6 jyl bol­ǵan. Úıirme jumysy zamanaýı qural-qondyrǵyǵa táýeldi ekeni sózsiz. О́tken aıda ǵana oqý­shylar saraıynda «Sábı» qory qu­ny 28 mln teńge turatyn jańa úlgidegi «Robottyq tehnıka» kabınetin tartý etken eken. Nátıjesi birden kórinip otyr. Oblys ákiminiń orynbasary Baqytjan Haberuly haı­tekshi jasóspirimderge osyndaı zama­naýı qondyrǵylarmen bola­shaqta da qamtamasyz etýge ýáde etip, oblystyq bilim basqar­masyna tapsyrma bergen.

Batys Qazaqstan oblysy