14 shildede QR Energetıka mınıstri Almasadam Sátqalıev Shyǵys Qazaqstan oblysyna baryp, Rıdder JEO-nyń jańa ıesimen kezdesti, dep habarlaıdy Egemen.kz.
«Rıdder JEO-nyń jańa ıesi Ámirjan Nábıev barlyq qaryzdy óz qarajaty esebinen jabýǵa ýáde berdi», dep habarlady QR Energetıka mınıstrliginiń baspasóz qyzmeti.
Vedomstvonyń málimetinshe, búginde Rıdder JEO-nyń jalpy qaryzy - 5,5 mlrd teńge.
«Mınıstrlik tarapynan biz de qaryz máselesin baqylaýǵa alamyz», dedi Almasadam Sátqalıev.
Energetıka mınıstri Rıdder JEO-daǵy jóndeý naýqanynyń barysyna egjeı-tegjeıli toqtaldy.
Qarjy mınıstrligimen jáne oblys ákimdigimen birlesip, úkimet rezervinen qarajat bólý tetigi ázirlendi. Jobalyq-smetalyq qujattamaǵa memlekettik saraptama alyndy. Jóndeýdiń jalpy somasy 8,3 mlrd teńge boldy. Rıdder JEO-daǵy jóndeýge segiz merdiger uıym jumyldyryldy.
QR Energetıka mınıstrliginiń málimetinshe, Rıdder JEO-daǵy jumysty jylý berý maýsymy bastalǵanǵa deıin keste boıynsha aıaqtaý josparlanyp otyr.
18 maýsymda Shyǵys Qazaqstan oblysynyń ákimi Ermek Kósherbaev oblys boıynsha alǵashqy saparyn óńirdegi mańyzdy nysandardyń biri – «Rıdder JEO» AQ-da bastap, jylý basqarmasymen keńes ótkizdi.