Qalalyq polısııa departamentiniń Ákimshilik polısııa basqarmasynyń kelisimi boıynsha jol qozǵalysy qaýipsizdigin qamtamasyz etý maqsatynda Kereı Jánibek handar kóshesindegi jol tósemin ortasha jóndeý jumysy júrgizilip jatyr, dep habarlaıdy Egemen.kz Astana ákimdiginiń resmı saıtyna silteme jasap.
Jóndeý jumysynyń júrgizilýine baılanysty osy jyldyń 15-19 shilde aralyǵynda Qabanbaı batyr dańǵylynan Saýran kóshesine deıingi ýchaskede Kereı Jánibek handar kóshesi boıynda kólik qozǵalysy tolyǵymen jabylatyn bolady.Sondaı-aq Astanada Qorǵaljyn tas joly men Aıtmatov kóshesiniń qıylysyndaǵy sezder jabylady.
Qalalyq PD ákimshilik polısııa basqarmasynyń kelisimi boıynsha jol qozǵalysy qaýipsizdigin qamtamasyz etý maqsatynda Qorǵaljyn tas joly men Sh.Aıtmatov kóshesiniń qıylysynda oń jaq sezderde ortasha jóndeý júrgizilip jatyr.
Osyǵan baılanysty 14-17 shilde aralyǵynda joǵaryda atalǵan ýchaskede kólik qozǵalysy tolyǵymen jabylatyn bolady.«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet», dep eskertti qala ákimdigi.