«Semeınyı kapıtal» qarjy pıramıdasyn qurǵan alaıaq elordalyqtarǵa alty aıda páter alyp berýge ýáde bergen, dep habarlaıdy Egemen.kz Qarjylyq monıtorıng agenttigine silteme jasap.
Alaıaq turǵyn úı satyp alý boıynsha jalǵan baǵdarlama ázirlep, halyqpen kelisimshart jasasqan. Onyń sharty boıynsha 300 myń teńgeden 5 mln teńgege deıingi ınvestısııa, 30-dan 60 paıyzǵa deıin artyq tólemmen turǵyn úıdi alýdyń kútý merzimi 6 aıdan 10 aıǵa deıin kórsetilgen. Sonyń saldarynan azamattar ýáde etken páterlerin almaı, salǵan qarjysynan da qaǵylǵan», dep jazylǵan habarlamada.
Osylaısha, elorda turǵyndaryna 450 mıllıon teńgege jýyq materıaldyq shyǵyn keltirilgen. Polısııa qyzmetkerleri ony ýaqytsha ustaý ızolıatoryna qamady.
Qarjylyq monıtorıng agenttigi azamattardy qyraǵy bolýǵa jáne jınaqtaryn kúmándi qarjy ınstıtýttaryna salmaýǵa shaqyrady.