19 shildege deıin bilim berý granttaryn taǵaıyndaý konkýrsyna 83 myń ótinish kelip tústi, dep habarlaıdy Egemen.kz Ǵylym jáne joǵary bilim mınıstrliginiń baspasóz qyzmetine silteme jasap.
Talapkerlerdiń basym bóligi qujattaryn úsh respýblıkalyq mańyzy bar qalanyń joǵary oqý oryndaryna tapsyryp jatyr: Almaty (34 myń), Astana (16 myń) jáne Shymkent (5 myń).
«Talapkerlerdiń tańdaýy ishinde úlken suranysqa ıe baǵyttar qatarynda «Pedagogıkalyq ǵylymdar» (22 myń), «Injenerlik, óńdeý jáne qurylys salalary» (16 myń) jáne «Aqparattyq-kommýnıkasııalyq tehnologııalar» (11 myń) bar. Bilim berý baǵdarlamalarynyń toby boıynsha, eń kóp ótinish «Aqparattyq tehnologııalar» – 9 myń. Ári qaraı «Dene shynyqtyrý muǵalimderin daıarlaý» – 5 myń ótinish kelip túsken. Úshinshi orynda «Medısına» tur, ony 4 myń talapker tańdaǵan», delingen habarlamada.