«Ortalyq Azııa + Arab memleketteriniń yntymaqtastyq keńesi» sammıti aıasynda Prezıdent Qasym-Jomart Toqaev Tájikstan Prezıdenti Emomalı Rahmonmen kezdesý ótkizdi, dep habarlaıdy Egemen.kz Aqordanyń baspasóz qyzmetine silteme jasap.
Eki el basshylary Qazaqstan men Tájikstan arasyndaǵy qarym-qatynastardyń damý qarqyny joǵary ekenin atap ótip, Emomalı Rahmonnyń bıyl mamyr aıynda Astanaǵa jasaǵan memlekettik saparynyń qorytyndysy boıynsha qol jetkizilgen ýaǵdalastyqtardyń júzege asyrylý barysyn qarastyrdy.
Áńgimelesý barysynda saýda-ekonomıkalyq baılanystar men mádenı-gýmanıtarlyq yntymaqtastyqty odan ári nyǵaıtýǵa erekshe nazar aýdaryldy.Sonymen qatar taraptar óńirlik jáne halyqaralyq kún tártibindegi máseleler jóninde pikir almasyp, aldaǵy kezdesýler kestesin talqylady.