Jahandyq azyq-túlik qaýipsizdigin nyǵaıtý óte mańyzdy - Prezıdent

Memleket basshysy Qazaqstan Arab elderine aýyl sharýashylyǵy taýarlaryn eksporttaý kólemin ulǵaıtýǵa múddeli ekenin aıtty. Prezıdenttiń aıtýynsha, Qazaqstan – álemde bıdaı men un óndiretin eń iri on memlekettiń biri.«Arab áriptesterimizdiń «organık» jáne «halal» ónimderin óndirý, óńdeý jáne sertıfıkattaý tájirıbesi men múmkindigi mol. Sondyqtan olarǵa suranys joǵary. Osy oraıda standarttardy, tehnıkalyq retteý jáne sertıfıkattaý júıesin úılestirý mańyzdy.Bul baǵyttaǵy jumysty jalǵastyrý qajet dep sanaımyz. Azyq-túlik qaýipsizdigi jónindegi ıslam uıymynyń áleýetin paıdalanyp, bul mindetterdi tıimdi iske asyra alamyz», dedi Prezıdent.

Sonymen qatar Memleket basshysy belsendi jumys júrgizip jatqan Qatar basshylyǵyna shynaıy rızashylyǵyn bildirdi.

«Uıymnyń qazirgi Tóraǵasy retinde belsendi jumys júrgizip jatqany úshin Qatar basshylyǵyna shynaıy rızashylyǵymdy bildiremin. Sondaı-aq onyń qyzmetin jandandyrýǵa Saýd Arabııasynyń zor úles qosqanyn aıryqsha atap ótkim keledi.

Jahandyq azyq-túlik qaýipsizdigin nyǵaıtý óte mańyzdy. Osy saladaǵy yntymaqtastyqty keńeıtý úshin Aýyl sharýashylyǵy mınıstrleriniń kezdesý tetigin qurýdy usynamyn», dep oıyn túıindedi.