Mańǵystaý oblysy PD esirtkige qarsy is-qımyl basqarmasynyń qyzmetkerleri esirtki zattaryn saqtaǵan 29 jastaǵy jergilikti turǵyndy ustady, dep habarlaıdy Egemen.kz.
11 maýsym saǵat 00:30 shamasynda «Qarasora-2023» respýblıkalyq jedel-profılaktıkalyq is-sharasy barysynda Mańǵystaý oblysy PD esirtkige qarsy is-qımyl basqarmasynyń qyzmetkerleri 14 shaǵyn aýdan mekenjaıy boıynsha esirtki zattaryn saqtady degen kúdikpen 29 jastaǵy jergilikti turǵyndy ustady.
Tintý barysynda kúdiktiden 31,70 gr mefedron salynǵan 33 baılam tárkilendi. Avtokólik pen páterdi tintý kezinde taǵy 212 baılam mefedron tárkilendi.
Sonymen qatar quramynda psılosıbın bar 5 baılam gallıýsınogendi sańyraýqulaqtar tabyldy. Kúdikti esirtkini jasyrǵan taǵy bir oryndy óz erkimen kórsetip, ol jerden de 532,34 gr mefedron tárkilendi.
Barlyǵy 768,38 gr mefedron jáne 165,43 gr psılosıbın tárkilendi.
QR QK 297-baby 3-bóligi boıynsha PD SDTBT-de tirkeldi. Kúdikti ÝUI-ǵa qamaldy. Tergeý amaldary júrgizilip jatyr.