2023 jyldyń basynan beri sheteldikterden jergilikti bıýdjetke týrıstik jarna esebinen túsken qarajat somasy 314 mıllıon teńgege jýyqtady, dep habarlaıdy Egemen.kz Mádenıet jáne sport mınıstrliginiń baspasóz qyzmetine silteme jasap.
Týrıstik jarna túsimi boıynsha kósh basynda Almaty qalasy tur. Ońtústik megapolıske jalpy somanyń 86%-y nemese 270,6 mln teńge tıesili. Ekinshi orynda 37,7 mln teńgeden artyq týrıstik jarna jınaǵan Astana qalasy tur.
«Týrıstik jarnadan túsken qarajat týrıstik ınfraqurylymdy damytýǵa, aýmaqtardy abattandyrýǵa, týrıstik múmkindikterdi ilgeriletý boıynsha is-sharalardy iske asyrýǵa baǵyttalýy kerek. Bul óńirlerge keletin týrısterdiń sanyn arttyrýǵa yntalandyratyn bolady», dedi QR MSM Týrızm ındýstrııasy komıtetiniń tóraǵasy Dastan Ryspekov.
Týrıstik jarna - hostel, jalǵa beriletin baspanalardan bólek ornalasý oryndarynda bolǵan árbir táýlik úshin týrısterden alynatyn tólem.
Aıta keteıik, týrıstik jarna mólsherin jergilikti ákimdikter belgileıdi. Qarajat ta jergilikti atqarýshy organdardyń bıýdjetine túsedi.