Astanada birqatar kópirlerdi rekonstrýksııalaý jáne salý jumysy júrip jatyr, dep habarlaıdy Egemen.kz.
Tilendıev dańǵyly Sh.Beısekova kóshesiniń qıylysynda kólik aıryǵy salynyp jatyr. Premer-mınıstrdiń birinshi orynbasary Roman Sklıar men Astana ákimi Jeńis Qasymbek jol jumysy qurylysynyń barysymen jáne jol-kólik jelisin damytýdyń perspektıvalyq josparymen tanysty.
Mysaly, Kenesary kóshesinde Esil ózeni arqyly ótetin kópirdi (KazGIýÝ ýnıversıtetiniń aýdany) jobalaý jumysy júrgizilip jatyr. Bul kópirdiń qurylysy kelesi jyly bastalady dep josparlanyp otyr.
«Bıyl Táýelsizdik dańǵylyndaǵy kópirdiń qurylysyn aıaqtaımyz. Bul kópir joldardaǵy keptelisti edáýir jeńildetýge múmkindik beredi: sol jaǵalaýdy Táýelsizdik dańǵylymen, jańa temirjol vokzalymen, Qoshqarbaev dańǵylymen, Nájimedenov kóshesimen, Áziret Sultan meshiti aýdanymen, Baıtursynov, Qordaı, Aınakól kóshelerimen, Momyshuly dańǵylymen jáne t.b. qosymsha baılanysty qamtamasyz etedi», delingen ákimdik habarlamasynda.