Qytaıdyń soltústik-shyǵysynda Heılýnszıan provınsııasy Sısıkar qalasynda orta mektep sport zalynyń shatyry opyrylyp, 10 adam qaza tapty, taǵy bir adam úıindi astynda jatyr, dep habsrlaıdy Egemen.kz Qytaı ortalyq telearnasyna silteme jasap.
Sısıkar qalasyndaǵy orta mekteptiń sport zalynyń shatyry jeksenbi, 23 shildede opyrylǵan. Oqıǵa bolǵan kezde ǵımaratta 19 adam bolǵan. Onyń tórteýi ózderi qashyp úlgergen, al 15 adam úıindi astynda qalǵan. Taǵy bir adam úıindi astynda jatqany naqtylandy.
Izdeý-qutqarý operasııasy jalǵasyp jatyr. Oqıǵanyń neden bolǵany belgisiz. Heılýnszıan provınsııasynyń bıligi oqıǵanyń mán-jaıyn tolyq tergeýdi tapsyrdy.