Bas qalanyń sanıtarlyq qyzmeti atmosferalyq aýanyń lastaný dárejesin baǵalaý úshin aýyz sý synamalaryn irikteýdiń 44 baqylaý núktesinde jáne 39 núktede monıtorıng júrgizip jatyr, dep habarlaıdy Egemen.kz Astana ákimdiginiń baspasóz qyzmetine silteme jasap.
О́tken alty aıda baqylaý núktelerinen sanıtarlyq-hımııalyq jáne mıkrobıologııalyq kórsetkishterge 255 aýyz sý synamasy alyndy, onyń ishinde sanıtarlyq-hımııalyq kórsetkishter boıynsha 11 synama sáıkes kelmedi: 10 – Internasıonalnyı jáne Mıchýrıno eldi mekenderiniń uńǵymalaryndaǵy qattylyq, qurǵaq qaldyq jáne marganes boıynsha.
Mıkrobıologııalyq kórsetkishter boıynsha 6 synama talaptarǵa sáıkes kelmedi (Saryarqa aýdanyndaǵy sý jınaý baǵanalarynan iriktelgen).
«Sýdyń mıkrobıologııalyq kórsetkishteriniń sáıkes kelmeıtin nátıjeleri boıynsha «Astana Sý Arnasy» qyzmet kórsetýshi kompanııasy aldyn alý is-sharalarynyń keshenin – jýý jáne dezınfeksııalaý júrgizdi, sodan keıin sýdyń iriktelgen baqylaý synamalary belgilengen normalarǵa sáıkes keledi. Kún raıy jyly ýaqytta ashyq sý aıdyndary – Esil, Aqbulaq, Sarybulaq ózenderi men Astana sý qoımasy sýynyń sapasyna monıtorıng júrgiziledi, ol úshin turmystyq sý paıdalaný oryndarynda, rekreasııa aımaqtarynda jáne nóser shyǵarýlarynan baqylaý núkteleri aıqyndaldy, sondaı-aq sýburqaqtar sýyna monıtorıng júrgiziledi», dep habarlady onlaın-brıfıngte Astananyń bas memlekettik sanıtarlyq dárigeri Sarhat Beısenova.
Sýburqaq keshenderiniń sýyn zerthanalyq turǵyda zertteý nátıjeleri boıynsha maýsym aıynda sanıtarlyq-hımııalyq jáne 1 mıkrobıologııalyq kórsetkishter boıynsha normatıvtik mánderge 4 sáıkessizdik anyqtaldy. Qazir tıisti organdar sýburqaqtardy tazalaý, jýý jumysyn júrgizýde.
Monıtorıng aıasynda 2023 jyly atmosferalyq aýanyń 9591 synamasy zertteldi, ShRK artýy kelesi ıngredıentter boıynsha 626 synamada anyqtaldy: kúkirtsýtek, kúıe, shekti kómirsýtekter, azot dıoksıdi, kómirtegi oksıdi, kúkirt dıoksıdi.
Atmosferalyq aýanyń eń kóp lastanýy qys mezgilinde baıqalady, bul jylytý maýsymyna, JEO-da janatyn otyn mólsheriniń ulǵaıýyna, jeke sektorda peshpen jylytýdy paıdalanýǵa jáne otyn sapasyna, avtokóliktiń uzaq jumys isteýine baılanysty bolady.