Jambyl oblysynda «Sulýtór – Botamoınaq» memlekettik tabıǵı qoryqshasy qurylady, dep habarlaıdy Egemen.kz.
«Turar Rysqulov jáne Jambyl aýdandarynyń aýmaqtarynda jergilikti mańyzy bar «Sulýtór – Botamoınaq» memlekettik tabıǵı qaýmalyn qurý úshin rezervilengen jer ýchaskeleriniń qosa berilip otyrǵan ornalasý jospary men eksplıkasııasyna sáıkes shekaralar sheginde jalpy alańy 128 846 gektar jer ýchaskeleri olardy paıdalaný quqyǵyna shekteýler (aýyrtpalyqtar) belgilemeı 12 aı merzimge rezervte qaldyrylsyn», delingen jarııa talqylaýǵa usynylǵan oblys ákiminiń sheshiminde.
Qaýly jobasyna qosa berilgen anyqtamada kórsetilgendeı, jergilikti mańyzy bar memlekettik tabıǵı qaýmaldy qurý jónindegi jaratylystaný-ǵylymı negizdemesine oblystyq ekologııa departamentiniń ekologııalyq saraptamasynyń oń qorytyndysy bar.
Qujat 7 tamyzǵa deıin kópshilik talqylaýǵa usynylǵan.