Shymkentte 10 jasar bala qala ákimdiginiń aldynda ornalasqan sýburqaqqa batyp ketti, dep habarlaıdy Egemen.kz Polisia.kz saıtyna silteme jasap.
Qaıǵyly oqıǵa 24 shilde kúni saǵat 19:14-te bolǵan. Qarataý aýdandyq ýnıtarlyq kásipornynyń 102 pýltine qalalyq ákimdik ǵımaratynyń aldyndaǵy sýburqaqta bala qaıtys boldy degen habarlama kelip túsken.
Oqıǵa ornyna jetken jedel-tergeý toby 10 jasar jasóspirimniń abaısyzda sýǵa túsý kezinde sýǵa batyp ketkenin anyqtady. Tekserý kezinde balanyń denesinde kózge kórinetin jaraqattar tabylmady.
Kámeletke tolmaǵan balanyń ólim faktisi IIB TJD-da tirkeldi.
Barlyq qajetti saraptamalar taǵaıyndaldy, onyń qorytyndysy boıynsha prosessýaldyq sheshim qabyldanady.