О́ndiris qaýipsizdiginiń ózektiligi

Jalpy, 6 aıdyń qorytyndysy boıynsha óndiristik jaraqattaný 2022 jyldyń ekinshi jarty­jyl­dy­ǵymen salystyrǵanda 4%-ǵa tómendedi. Vedomstvo málimetine súıensek, bıyl 6 aıda óndi­ristik jaraqattaný koef­fı­sıen­ti (1 000 jumyskerge shaq­qandaǵy jazataıym oqıǵa­lar­dyń jıiligi) 0,09% qurady. «О́ndiristik aı­maqtarda jaraqat alýdyń eń joǵary deńgeıi saqtalǵan. Máse­len, Qaraǵandy oblysynda – 79 adam, ShQO-da – 53 adam, Abaı oblysynda – 50 adam, Pavlodar oblysynda – 46 adam, Qostanaı oblysynda – 44 adam, Aqtóbe oblysynda 40 adam zardap shekken. Sondaı-aq Almaty qalasynda 50 adam zardap shekti»,  delingen habarlamada.

Ekonomıkanyń salalary bo­ıynsha eń kóp zardap shekkender taý-ken metallýrgııa kesheniniń ónerkásipterinde – 21,8% jáne qurylys salasynda – 10,6%. Jazataıym oqıǵalardyń oryn alýynyń negizgi sebepteri: já­bir­lenýshiniń óziniń óreskel abaısyzdyǵy – 33,3%; óndiristegi jumystyń tıisti deńgeıde uıym­dastyrylmaýy – 27,1%; eńbek qaýipsizdigi jáne eńbekti qorǵaý erejelerin buzý – 9,3%; jol qozǵalysy erejelerin buzý  8,4%. Sońǵy bes jyldyń ishinde memlekettik organdar men jumys berýshilerdiń eńbekti qorǵaý salasy boıynsha qabyldanǵan keshendi sharalardyń nátıjesinde óndiristik jaraqattaný deńgeıi 6,5%-ǵa tústi. Profılaktıka men buzý­shylyqty aldyn alý maq­sa­tyn­da elimizdiń 3 211 kásip­orny qaýipsizdik pen eńbekti qorǵaý standarttaryn engizdi.

Sondaı-aq Kásipodaqtar federasııasymen birlesip, múgedektigi bar adamdardy «halyqtyq baqy­laýshy» retinde tartýdy kóz­deı­tin «Halyqtyq baqylaý» áleý­mettik mańyzdy jobasy engi­ziledi. Búginde jobany iske asy­rýǵa respýblıkanyń 252 kásip­orny birikti. Onda 600-den astam jumysker ishki baqylaýdy qada­ǵalaýda.

Jalpy, qaýipsiz eńbek jaǵ­da­ıyn jasaý men óndiristik jaraqattanýdy azaıtý el Úki­meti men Eńbek jáne halyqty áleýmettik qorǵaý mınıstrliginiń negizgi mindetteriniń biri. Osy rette 2019 jyldan bastap vedomstvo tarapynan «Nóldik jaraqat – Vision Zero» tujyrymdamasyn jetildirý boıynsha belsendi jumys atqaryldy. Oǵan búginde 440 kásiporyn qosyldy.

Aıta keteıik, «Onlaın eńbek konsýltanty» elektrondy ser­vısi iske qosyldy. Ol jumysker men jumys berýshiniń arasynda qashyqtyqtan ózara árekettesýdi qamtamasyz etý úshin eńbek zań­namasynyń saqtalýynyń tıim­diligin arttyrýǵa múmkindik be­re­di. Servıs jumys berýshiniń eńbekti qorǵaý talaptarynyń saqtalýyn ózindik tekserýden ótýin qarastyrady. Qosymsha iske qosylǵaly beri 23 420 jumys berýshi paıdalanypty.