Astana qalasynyń turǵyny Álı Nasyrbek jyl saıyn ótetin Copernicus Olympiad saıysyna qatysyp, bıyl álemniń úzdik matematıgi atandy, dep habarlaıdy Egemen.kz.
Qazaqstan ulttyq arnasynyń jazýynsha, jarysqa 23 elden 360 oqýshy irikteldi. Qazaqstan namysyn 51 bala qorǵady.
Dúbirli dodada top jarǵan oqýshy bolashaqta úzdik oqý oryndaryna túskisi keletinin aıtty.
«Jarys AQSh-ta Nıý-Iork qalasynda ótti. Biz ol jerde álemniń eń kúshti ýnıversıtetiniń biri Kolýmbııa ýnıversıtetinde boldyq. Odan soń Bostonǵa baryp, Garvard pen MIT ýnıversıtetterin kórdik. Olar - eń kúshti ýnıversıtetterdiń biri. Men MIT-ge túsýdi armandaımyn», dep óz armanymen bólisti Álı Nasyrbek.