Elimizde júrgizilgen ǵaryshtyq monıtorıng nátıjesinde aýyl sharýashylyǵy maqsatynda paıdalanylatyn jaıylym alqaptarynyń 40 paıyzy nashar ekendigi anyqtaldy, dep habarlaıdy Egemen.kz.
Ortalyq kommýnıkasııalar qyzmetinde ótken brıfıngte Aeroǵarysh komıtetiniń tóraǵasy Baýbek Oralmaǵambetov: «Byltyr kóktemde Qazaqstannyń 60 aýdany boıynsha jaıylym alqaptardyń 26,2%-y óte nashar jáne 33,4%-y nashar jaǵdaıda ekeni anyqtaldy», dedi.
Al bıyl kóktemde júrgizilgen monıtorıng qorytyndysy boıynsha 40% jaıylym jerdiń jaǵdaıy óte nashar, 4 mln gektar jaıylym jer qatty deńgeıde degradasııalanǵan, ósimdikterdiń ortasha ónimdiligi – gektaryna 4,6 sentner.