Oqý-aǵartý mınıstrliginiń tehnıkalyq jáne kásiptik bilim departamentiniń deregi boıynsha, kolledjderge qujat 2023 jylǵy 20 tamyzǵa deıin qabyldanady, dep habarlaıdy Egemen.kz.
«Bıyl memlekettik bilim berý tapsyrys kólemi 50 myń orynǵa artty. Jalpy kolledjderge memlekettik tapsyrys boıynsha 130 myńnan astam talapkerdi qabyldaý josparlanyp otyr», delingen habarlamada.
Mınıstrliktiń habarlaýynsha, memlekettik tapsyrys tehnıkalyq mamandyqtarǵa baǵyttalyp, geologııa, taý-ken ónerkásibi, energetıka, metallýrgııa jáne mashına jasaý, kólik, IT, qurylys jáne kommýnaldyq sharýashylyq jáne t. b. baǵyttar boıynsha kóbeıedi.
Byltyrdan bastap kásiporyndardyń ótinimi boıynsha kadrlardy maqsatty daıarlaý engizildi. Bul rette jumys berýshi praktıkany uıymdastyrý jáne kolledj túlekterin odan ári jumysqa ornalastyrý mindettemesin alady.
Mınıstrlik bıyl kásiporyndardyń ótinimi boıynsha qosymsha 10 myń stýdentti qabyldaý josparlanyp otyrǵanyn málimdedi.