Memleket basshysynyń Memlekettik apparattyń qyzmetin bıýrokratııadan aryltý jónindegi Jarlyǵy men Saılaýaldy baǵdarlamasyn oryndaý aıasynda azamattardyń ómirin jeńildetip, bızneske qolaıly jaǵdaı jasaýǵa baǵyttalǵan sıfrlyq servısterdi engizý boıynsha jumys jalǵasyp jatyr, dep habarlaıdy Egemen.kz Úkimettiń baspasóz qyzmetine silteme jasap.
Úkimette Premer-mınıstrdiń orynbasary – Úkimet Apparatynyń basshysy Ǵalymjan Qoıshybaevtyń tóraǵalyǵymen osy jylǵy 6 aıdaǵy jańa sıfrlyq bastamalardy iske asyrý jónindegi jumystyń qorytyndylary talqylandy.
Máselen, Qorǵanys mınıstrliginiń áskerge shaqyrý boıynsha tirkeý naýqanyn proaktıvti formatqa aýystyrý jónindegi jobasy iske asyryldy. Bul azamattardy áskerı komıssarıattarǵa barý, medısınalyq kýálandyrýdan ótý jáne jeke is úshin qujat jınaý qajettiliginen bosatady. Sondaı-aq shaqyrý ýchaskelerine tirkelý týraly kýálik alý qajet bolmaıdy. Derekter bazasyn ıntegrasııalaý el aýmaǵynda turǵylyqty jerdi ózgertýge baılanysty áskerı komıssarıatqa júginý qajettiginen bosatady.
Qarjy mınıstrligi shekaradaǵy ótkizý beketterinde elektrondy kezek júıesin engizdi, «E-Salyq Azamat» mobıldi qosymshasynda «jeke tulǵalar úshin kedendik deklarasııalaý» qyzmeti iske qosyldy.
Ádilet mınıstrligi senimhat rásimdeýge jáne onlaın-formatta notarıýs keńesin alýǵa múmkindik beretin «E-notarıat» platformasyn sátti iske qosty.
Dıplomnyń túpnusqa ekenin tekserý maqsatynda Oqý-aǵartý mınıstrligi tehnıkalyq, kásiptik jáne orta bilimnen keıingi bilim týraly dıplomdarǵa QR-kodtar engizdi.
Keńes qorytyndysy boıynsha Ǵ. Qoıshybaev azamattardyń usynystary men eskertýlerin eskere otyryp, keıbir onlaın-servısterdi ári qaraı pysyqtaý qajettigin atap ótti. Oǵan qosa salalyq mınıstrlikter jyl sońyna deıin birqatar sıfrlyq servıs engizetin bolady.
Jumystyń mańyzyn eskere otyryp, Tótenshe jaǵdaılar mınıstrligine jedel aqparat alý úshin apattardy baqylaý jáne boljaý platformasyn iske qosý tapsyryldy.
Densaýlyq saqtaý mınıstrligi osy jyldyń sońyna deıin MÁMS prosesterin sıfrlandyrý, eńbekke jaramsyzdyq paraǵynyń qaǵazdaǵy nusqasynan bas tartý, 075/ý formasyndaǵy anyqtamany sıfrlyq formatqa kóshirý, skrınıngten ótý qajettigi týraly proaktıvti habarlap otyrý qyzmetin iske qosý, mekenjaı ózgergen kezde medısınalyq mekemege avtomatty túrde tirkeý qyzmetin engizý jáne t.b. boıynsha pılottyq rejımde jumys júrgizedi.
Ádilet mınıstrligi atqarýshylyq is júrgizý úshin mobıldi qosymsha ázirleýdi josparlap otyr.
О́z kezeginde Qarjy mınıstrligi salyq esebin qabyldaý formasyn jeńildetip, buǵattalǵan shottardy onlaın ashý boıynsha servısti iske qospaq.
Eńbek jáne halyqty áleýmettik qorǵaý mınıstrligi eńbek sharttaryn onlaın rejımde jasasý múmkindigin ázirlep jatyr.
Indýstrııa jáne ınfraqurylymdyq damý mınıstrligi halyqqa qyzmet kórsetý sapasyn arttyrý úshin kommýnaldyq qyzmetter kórsetý boıynsha biryńǵaı standarttarǵa kóshý máselesin pysyqtaýda.
«Memleket basshysy bizdiń tásilderdi qoldady. Munymen toqtap qalmaı, ilgerileý kerek. Memlekettik qyzmetterdi sıfrlandyrý, proaktıvti formattarǵa kóshý – Úkimet jumysynyń basymdyqtarynyń biri. Árbir azamat sıfrlandyrýdyń naqty áserin sezinýge tıis», dedi Ǵ. Qoıshybaev.