QR Úkimeti orman órt sóndirý stansalarynyń qyzmetkerlerin tótenshe jaǵdaılar kezinde qosymsha qorǵanyspen qamtamasyz etý boıynsha sharalar qabyldap jatyr. Tıisti qaýlyǵa QR Premer-mınıstri Á. Smaıylov qol qoıdy, dep habarlaıdy Egemen.kz Úkimettiń baspasóz qyzmetine silteme jasap.
Qujatqa sáıkes, Úkimet rezervinen tabıǵatty qorǵaý jáne orman mekemeleriniń orman órt sóndirý stansalarynyń qyzmetkerlerine órtke qarsy kıim satyp alýǵa 918 mln teńge kóleminde qarajat bólinedi. Bul 30 tabıǵatty qorǵaý jáne 16 orman mekemesiniń qyzmetkerlerin mehanıkalyq jaraqattanýdan, gıpotermııanyń, agressıvti suıyq quramdardyń, joǵary temperatýranyń áserinen qorǵaýǵa, jumysshylardyń bastaryn soqqydan saqtaýǵa, sondaı-aq basqa mehanıkalyq áserlerden qosymsha qorǵaý úshin órtke qarsy kıimmen jabdyqtaýǵa múmkindik beredi dep kózdelip otyr.