Kókshetaý men Atbasar arasyn jalǵap jatqan kúrejoldyń jaǵdaıy kópten beri jurt aýzynda júr edi. О́tken aptada ony jóndeý jumystary bastalyp ketti.
Atalǵan joldyń jalpy uzyndyǵy 55 shaqyrym bolady. Ol – Zerendi aýyly men Balqashyn eldi mekenine deıingi aralyq. Bul jol Zerendi men Sandyqtaý aýdandaryn kóktep ótedi. Ýchaskede 30-ǵa jýyq arnaıy tehnıka men 50 maman-qyzmetkerler jumys istep jatyr.
Osy jyldyń qurylys maýsymynda «Qaraǵandy – Aıagóz – Tarbaǵataı – Buǵaz» kúrejolynyń jeti ýchaskesi jóndeý jumystarymen qamtylǵany málim. Olarda jol jamylǵylary jańartylyp, sý ótkizgish qubyrlar men jańa avtopavılondar ornatylady.
Mysalǵa alyp qarasaq, Abaı óńirinde jóndeý jumystarymen Aqsýat pen Ashysý aýyldaryna jaqyn jerdegi eki ýchaske jáne Aıagóz qalasynan shyǵa beristegi jol qamtyldy. Al Qaraǵandy oblysynda Mataq aýylynan Qarqaraly qalasyna deıingi tórt jol ýchaskesinde jol jóndeý jumystary qyzý jalǵasyp jatyr.