Almaty ákimi Erbolat Dosaev Aqkent shaǵyn aýdanyndaǵy órtten qaza tapqan áıeldiń otbasyna kóńil aıtty, dep habarlaıdy Egemen.kz.
«Qaırat Jarmuhameduly men Jumagúl Jumashqyzy, sizderdiń qaıǵylaryńyzǵa ortaqtasyp, kóńil aıtamyn! Áseldiń ómirden mezgilsiz ótýi sizder úshin ǵana emes, barlyq almatylyqtar úshin orny tolmas aýyr qaıǵy. Týǵan balasynan aıyrylý ata-ana úshin óte aýyr. Orny tolmas aýyr qazada sizderge sabyr men tózimdilik tileımin. Sizderdiń qyzdaryńyz, Áseldiń ápkesi Aıjannyń tezirek saýyǵyp ketýin tileımin», dedi Almaty ákimi Erbolat Dosaev.