Tekseris nátıjesi boıynsha Esil aýdandyq polısııa basqarmasynyń ýchaskelik ınspektory qyzmetinen bosatyldy. Al jergilikti polısııanyń jumysyn uıymdastyrýǵa jaýapty bas ýchaskelik ınspektor men kezekishilik bóliminiń jedel kezekshisine eskertý jasaldy. Ekeýi de qyzmetine tolyǵymen saı emes dep tanyldy.
«Esil aýdandyq polısııa basqarmasy bastyǵynyń orynbasary qyzmetinen bosatyldy. Al aýdandyq basqarmanyń bastyǵyna sógis jarııalandy», delingen resmı habarlamada.
Shúmenovke qatysty Qylmystyq kodekstiń 293-baby «Buzaqylyq» boıynsha sotqa deıingi tergeý júrip jatyr. Boksshynyń ózi qashyp ketti. Qazir oǵan resmı túrde memleketaralyq izdeý jarııalandy.
Esterińizge sala keteıik kásipqoı boksshy Beıbit Shúmenov Astanadaǵy oıyn-saýyq ortalyqtarynyń birinde qolynda balasy bar er adammen janjaldasyp, ony birneshe ret urǵan. Vıdeo áleýmettik jelide tarap, qazaqstandyqtardyń narazylyǵyn týdyrdy.