Almaty oblysyndaǵy eń iri saýda oıyn-saýyq ortalyǵynyń ákimshiligine ǵımarat aýmaǵyna jarylǵysh zat qoıylǵany týraly SMS habarlama kelip túsken. Qazir oqıǵa ornynda polısııa men mamandandyrylǵan qyzmetter jumys istep jatyr, dep habarlaıdy Egemen.kz.
Kýágerlerdiń aıtýynsha, qazir Qarasaı aýdanyndaǵy «Aport Mall» saýda úıinen adamdar evakýasııalanyp jatyr. Kólikter turaqtan shyǵyp jatyr, ortalyq aýmaǵyna kirýge shekteý qoıylǵan.
Tártip saqshylary halyqty mamandar jumysyna kedergi keltirmeýdi jáne saýda ortalyǵynan qaýipsiz qashyqtyqqa barýdy surady.