Áskerı-patrıottyq tárbıe áleýeti

Is-sharaǵa memlekettik or­gan­dardyń, respýblıkalyq mańyzy bar qalalar men ob­lys­tar ákimdikteriniń, sonymen qatar qoǵamdyq uıym­dar­dyń ókilderi qatysty. Memleket basshysy Qasym-Jomart To­qaev mamyr aıynda ótken Búkil­armııalyq keńeste Qor­ǵanys mınıstrliginiń aldyna mindetter qoıyp, jas­tardy tárbıeleý isinde aǵa býyn tálimin paıdalaný qa­jet­tigine zer salyp, 2030 jylǵa deıingi áskerı-pat­rıottyq tárbıe tujy­rym­da­ma­syn ázirleýdi tap­syrǵan bolatyn.

– Adamgershilik qasıetter jáne rýhanı qundylyqtar – biz­diń jas urpaqqa qajet dúnıe. Osyǵan baılanysty jastarmen jumys isteýdiń qoldanystaǵy quraldaryn ózgerte otyryp, pat­rıottyq tárbıe berý tásil­derin aıtar­lyqtaı túzetý qajet, – degen mınıstrdiń orynbasary Sultan Kamaletdınov ke­­ńeske qatysýshylardy Qa­rý­ly kúshterdiń oń ımıd­jin qalyptastyrýǵa jáne jas­­­tardyń áskerı boryshyn oryn­­daýǵa ýájdemesin artty­rý­ǵa baǵyttalǵan Qorǵanys mınıs­tr­liginiń aqparattyq-túsindirý tobynyń ju­my­sy­nan habardar etti. Qor­ǵanys mı­nıstrliginiń má­li­metinshe, birinshi jarty­jyl­dyqta mundaı ju­mys­pen Qaraǵandy, Aqmola, Sol­tústik Qazaqstan, Qos­ta­naı, Pavlodar, Qyzylorda, Túrkistan oblystary men Shym­kent qala­syn­da 12 myń­nan astam adam qamtylǵan.

Mınıstr orynbasary Qos­tanaı, Qyzylorda jáne Aqmola oblystarynyń bas­shy­­ly­ǵyna ATT ju­my­sy barysynda is-shara­lar­dy joǵary deńgeıde uıym­das­tyrǵany úshin al­ǵysyn bildirdi. So­nymen qatar Qa­zaq ult­tyq agrarlyq zertteý ýnı­versıteti men Ábilqas Saǵy­nov atyndaǵy Qaraǵandy teh­­nıkalyq ýnı­ver­sı­tetiniń osy ba­ǵyttaǵy oń tájirıbesin atap ótti.

Keńeste orta oqý orynda­ryn­daǵy alǵashqy áskerı-teh­nıkalyq daıarlyqtyń sapasyna, olardyń materıaldyq-teh­nı­kalyq bazasynyń jaı-kú­ıine, alǵashqy áskerı daıar­lyqpen aınalysatyn ka­dr­­lardyń quzyrettiligine erek­she nazar aýdaryldy. Jumysty júıeleý jáne áske­rı-patrıottyq tárbıe sýbek­tilerin qurý usynyldy. О́ńir­lerdiń osy baǵyttaǵy tıim­di qyzmetiniń baǵalaý krıte­rıı­leriniń biri – jergilikti atqarýshy organdardyń, ardagerler uıymdarynyń, áskerı-teh­nıkalyq mektepterdiń, kol­ledjderdiń, joǵary oqý oryn­­dary áskerı kafedra­la­ry­nyń, áskerı bólimderdiń jáne qo­ǵam­­dyq uıymdardyń jumysy bolýǵa tıis.

Áskerı-patrıottyq ju­mys­ty uıymdastyrý týraly Qyzylorda, Mańǵystaý, Ulytaý oblystary ákimde­ri­­niń orynbasarlary – Meırambek Shermaǵambetov, Qanat Quljanov, Ǵalymjan Qusman­ǵalı baıandama jasady. «Jastar assambleıasy» RQB tóra­ǵasy Tımýr Jumyrbaev óz jumysynyń erekshelikteri týraly aıtyp berdi. Keńeske qatysýshylar 2030 jylǵa deıingi jastardy áskerı-patrıottyq tárbıeleý tujyrymdamasynyń joba­syn tal­qylady. Onyń qo­rytyndysy boıynsha ve­dom­­st­vo­aralyq komıssııa qu­rý­ usynyldy.

Bul komıssııa jastardy pat­rıottyq tárbıeleý máse­­leleri boıynsha norma­tıvtik-quqyqtyq bazany je­til­­dirýdi jalǵastyrady. Al­ǵash­­qy ás­ke­rı daıyndyq qaǵı­da­la­ryna ózgerister men to­lyq­­tyrýlar engize otyryp, AÁTD oqytý­shylaryna qoıy­la­tyn bilik­tilik talaptary naq­ty­­lan­baq. Qazaq halqynyń ba­tyr­lyq tarıhyn, Ekinshi dú­nıe­júzilik soǵys pen urys is-qı­myldaryna qatysý­shy­lar­dy, áskerı kásipte, sportta, má­de­nıette jáne basqa da qyz­mette jetistikke jetken zamandastaryn dáripteý jó­nin­degi jumysqa jiti nazar aýdarylady.

Jergilikti atqarýshy or­gan­­dar­ǵa ardagerler uıym­da­ryn, áskerı kafedralardy, áskerı-tehnıkalyq mektepter men erik­tilerdi jumysqa tartý jáne olardyń áleýetin paı­­dalanýǵa usynystar be­rildi.