«Amanat» partııasy fraksııasynyń múshesi Muqash Eskendirov Premer-mınıstrdiń orynbasary Roman Sklıarǵa temirjoldy kesip ótetin aýyr jáne jeńil avtokólikterdiń qatysýymen bolyp jatqan jol-kólik oqıǵalaryna qatysty saýal joldady.
Ol apattardan aýyr jáne jeńil kólikterge, temirjol sostavtaryna tasymaldanatyn júkterge keltirilip jatqan shyǵyndar shash-etekten ekenin aıtty. Sondaı-aq depýtat jol apatyna qatysty derektermen bólisti.
– Keıingi úsh jylda B.Momyshuly aýylyn ekige bólip turǵan temirjoldyń astynda ornalasqan ótkel mańynda bolǵan 12 jol-kólik oqıǵasy saldarynan 3 adam qaza taýyp, 7 adam jaraqat alǵan. Bul máseleni sheshýdiń jalǵyz joly – materıaldyq turǵyda tozyǵy jetip, beton qabyrǵalary jarylyp turǵan temirjoldyń astymen ótetin kópirge kúrdeli jóndeý ótkizip, sol arqyly eki kólik syıatyndaı etip keńeıtý, – dedi depýtat saýalynda.
Májilis depýtaty temirjol men avtomobıl joldarynyń qıylysy – temirjol kópirin retteýdiń basqa bir ońtaıly ári kóp shyǵyndy qajet etpeıtin jolyn izdeý zaman talaby dep otyr. Al Roman Sklıar jaýabynda Borandy stansasynda 3 441 km pk7-de ornalasqan sý ótkizýge arnalǵan qurylym avtokólikter ótý úshin qarastyrylmaǵanyn aıtty.
– Bul qurylym arqyly kólik quraldarynyń ótýi «Kópirler men kubyrlar» ǵımarattary jýyqtaý ólshemderiniń talaptaryna sáıkes kelmeıdi jáne qurylymdy odan ári paıdalaný poıyzdar qozǵalysynyń qaýipsizdigine qaýip tóndiredi. О́z kezeginde, Bıýdjet kodeksiniń 54-babyna sáıkes, oblystyq bıýdjet shyǵystary oblys aýmaǵynda qoǵamdyq qaýipsizdikti qamtamasyz etý baǵyttaryn kózdeıdi, – dedi R.Sklıar.
Vıse-premer aýdandyq jáne oblystyq mańyzy bar qalanyń ákimdiktiń quzyretine kólik jáne ınjenerlik ınfraqurylym nysandarynyń qurylysyn uıymdastyrý jáne paıdalaný kiretinin habarlady. Osyǵan baılanysty, jergilikti atqarýshy organǵa óz quzyreti sheńberinde Borandy stansasynyń mańynda avtokólikter ótý úshin joldy qarastyrý jáne qaýipsizdikti qamtamasyz etý tapsyrylǵan.