Sportpen shuǵyldanatyn erekshe qajettilikteri bar adamdardyń sany sońǵy 3 jylda 25,3%-ǵa ósken. Eger 2020 jyly 38 352 bolsa, 2023 jyldyń basynda bul kórsetkish 51 325 adamǵa jetip otyr, dep habarlaıdy Egemen.kz.
Sportpen shuǵyldanatyn erekshe qajettilikteri bar adamdardyń sany boıynsha Qostanaı oblysy kósh bastap tur. Atalǵan aımaqta erekshe qajettilikteri bar 5687 adam sportpen turaqty túrde aınalysady eken. Odan keıin Shyǵys Qazaqstan oblysy (4997 adam) jáne Astana qalasy (4514 adam) tur. Úzdik bestikti Túrkistan (4298 adam) jáne Jambyl (4 057 adam) oblystary túıindedi.
Aıta ketelik, eń qarqyndy ósim elordada tirkeldi, 3 jyl ishinde erekshe qajettilikteri bar sportpen shuǵyldanýshylardyń sany 3232 adamǵa kóbeıgen. Ekinshi orynda - ShQO (+1585 adam), úshinshi orynda – Qostanaı oblysy (+1295 adam). Sondaı-aq Jambyl oblysynda - 668 adamǵa, Túrkistanda – 659 adamǵa artyp otyr.
«Erekshe qajettilikteri bar adamdardyń dene shynyqtyrýmen aınalysýyna jaǵdaı jasamaı, buqaralyq sportty damytý múmkin emes. Qazaqstanda erekshe qajettilikteri bar adamdarǵa arnalǵan 15 sport klýby men 3 mektep, sondaı-aq Almaty oblysynda sportty damytý dıreksııasy jumys isteıdi. Biz sporttyq ınfraqurylymdy qoljetimdi etýge nıettimiz. Sondyqtan qazir elimizdiń barlyq óńirinde 113 jańadan sport nysanyn salý boıynsha jumys júrip jatyr», dedi Mádenıet jáne sport vıse-mınıstri Sársen Quranbek.