Ázerbaıjan astanasy Baký qalasynda ótip jatqan stend atýdan 53-shi lısenzııalyq álem chempıonatynda Qazaqstan namysyn eń myqty 50 mergenimiz qorǵaıdy. Ulttyq qurama kóshbasshysynyń biri Islam Sátbaev fınalda 4-inshi oryn alyp, Parıj Olımpıadasynyń lısenzııasyna ıe boldy, dep habarlaıdy Egemen.kz.
Erler arasynda «10 m pnevmatıkalyq myltyqtan atý» jattyǵýynyń fınalynda 4-shi oryn alyp, nysana kózdeý sportynyń atalǵan túrinen Parıj Olımpıadasyna barýǵa berilgen tórt joldamanyń birin jeńip alǵan, sonymen qosa, 632,7 upaımen Qazaqstan rekordyn ornatqan Islam Sátbaevty Mádenıet jáne sport mınıstri Ashat Oralov quttyqtady.
«Islam Sátbaevty jáne Qazaqstan qurama komandasyn birinshi olımpıadalyq lısenzııany jeńip alýymen quttyqtaımyn! Bul sportshylarymyz úshin Parıjdegi oıyndarǵa sońǵy joldama emes ekenine senimdimin. Bıyl mergenderimiz iri halyqaralyq birinshilikterde keremet nátıje kórsetýde. Mysaly, stend atýdan Qazaqstan quramasy Almatyda ótken Álem kýbogynyń medaldik esebinde úzdik atandy. Quramanyń ózge de músheleriniń joǵary nátıje kórsetýlerine tilektespin», dedi mınıstr.
Oq pen stend atýdan álemniń 100 elinen 1500-den astam sportshy qatysyp jatqan lısenzııalyq álem chempıonatynda Parıj Olımpıadasynyń 48 joldamasy sarapqa salynady.