Tarazda 2 mıllıon teńge para alǵan sýdıa ustaldy. Onyń bul aqshany jazany jeńildetý úshin alǵany anyqtaldy, dep habarlaıdy Egemen.kz.
Antıkorrýpsııalyq qyzmet Sot ákimshiliginiń qaýipsizdik bólimimen birlesip, jasyryn is-sharalardyń nátıjesinde Tarazdyń №2 soty sýdıasynyń 2 mln teńge somasynda para alǵanyn áshkereledi.
Sýdıa sottalýshydan is júrgizý kezinde qylmystyq is boıynsha bas bostandyǵynan aıyrý emes, basqa jaza taǵaıyndaǵany úshin aqshalaı qarajat aldy degen kúdikke ilindi. «Qylmystyq-prosestik kodekstiń 550-babynyń tártibimen Qazaqstan Respýblıkasynyń Bas prokýrory sotqa deıingi tergep-tekserýdi jalǵastyrýǵa kelisim berdi. Qylmystyq-prosestik kodeksiniń 201-babyna sáıkes ózge aqparat jarııa etýge jatpaıdy», delingen Antıkor málimdemesinde.