Aqparat jáne qoǵamdyq damý mınıstrligi Jastar jáne otbasy isteri komıteti men «Jastar» ǵylymı-zertteý ortalyǵynyń Memlekettik jastar saıasaty mektebi aıasynda uıymdastyrylýymen Semeı qalasynda lýdomanııa, nashaqorlyq jáne reprodýktıvti densaýlyq salalarynda keńes berý boıynsha jastar resýrstyq ortalyqtary qyzmetkerleri men jastar uıymdarynyń mamandaryna arnalǵan úsh kúndik oqytý trenıngteri ótti, dep habarlaıdy Egemen.kz.
Bıylǵy jyly 1 naýryzdan bastap kúshine engen zańǵa sáıkes Qazaqstanda jastardyń jasy 35 jasqa deıin ulǵaıtylǵany málim. Taǵy bir aıta keterligi, jastarmen jumys isteıtin mamandar lýdomanııa, nashaqorlyq, reprodýktıvti densaýlyq taqyryptarynda jastarǵa keńes berýge mindettelgenin atap ótý mańyzdy.
Elimizdiń on aımaǵynan qatysqan jas mamandar semınar-trenıng barysynda táýeldilik túrleri men onyń adam aǵzasyna jáne ómirine áseri týraly bildi. Basty nazar elimizdegi nashaqorlyq pen táýeldiliktiń aldyn alý mehanızmderimen tanysýǵa aýdaryldy.