Áleýmettik jelide «Qazaqstan» shahtasyndaǵy órt qasaqana qoıylýy múmkin degen aqparat paıda boldy, dep habarlaıdy Egemen.kz.
Polısııa qyzmetkerleri bul aqparatqa qatysty túsinikteme berdi.
«Bul aqparat shyndyqqa janaspaıdy», dep habarlady Qaraǵandy oblysynyń PD baspasóz qyzmeti.
Qazirgi ýaqytta barlyq qajetti tergeý sharalary júrgizilip jatyr, órttiń shyǵý sebebin anyqtaıtyn tıisti saraptamalar da taǵaıyndaldy.
«Jeli qoldanýshylaryn yqtımal qaýesetter men arandatýshylyqtarǵa berilmeýdi, tek resmı aqparatqa senýdi suraımyz. Jalǵan aqparat taratqany úshin Qazaqstan Respýblıkasy Qylmystyq kodeksiniń 274-babyna sáıkes qylmystyq jaýapkershilikke tartylý qaýpi bar», dep qosty polısııa ókilderi.