Búgin Úkimet otyrysynda Tótenshe jaǵdaılar mınıstri Syrym Sháriphanov «Qazaqstan» shahtasyndaǵy órtti sóndirý jumystary qalaı júrgizilip jatqanyn aıtty, dep habarlaıdy Egemen.kz.
Mınıstrdiń aıtýynsha, shahtada órt sóndirý jumystary áli jalǵasyp jatyr.
«Barlyǵyńyz BAQ-tan tasmaldaýshy lenta janǵanyn estidińizder. Keıin órt kómir qabattaryna tarady. Sondyqtan uzaq ýaqyt janyp jatyr. О́rtti sóndirý kúrdeli másele. Qutqarýshylar tynys alýǵa qolaısyz ortada, kórý múmkindigi shekteýli, joǵary temperatýrada jumys istep jatyr. О́rt jer betinde sóndirilip jatqan joq. Belgili bir tehnologııalar bar, olarǵa sáıkes jumys jasalýy kerek. Boljamdar týraly aıtýǵa áli erte. Biraq jaqyn arada sóndiriledi dep oılaımyn», dedi S.Sháriphanov.