2 qyrkúıekte Lıvannyń astanasy – Beırýtte taekvondodan jastar arasyndaǵy álem chempıonatynyń jalaýy jelbireıdi.
Taıaý Shyǵysta ótetin jarysta elimizdiń namysyn Álıbek Nurǵazy (45 kg), Ilııas Marýpov (48 kg), Bektóre Oralhanov (51 kg), Abdolla Ábilqasym (55 kg), Ánýar Muhametkárimov (59 kg), Mereı Málik (63 kg), Ádil Tileýǵabylov (68 kg), Batyrhan Tóleýǵalı (73 kg), Nurasyl Qýandyq (78 kg) jáne Bekarys Nurǵazy (+78 kg) qorǵaıdy. Qyzdar arasynda ótetin dodada Gúlnaz Qaıbolla (42 kg), Ramına Taıyrova (44 kg), Narqyz Meırambek (46 kg), Toǵjan Qaznabek (49 kg), Nuraı Qaznabek (52 kg), Araılym Arapbaı (55 kg), Almıra Qanat (59 kg), Nazym Mahmutova (63 kg), Darııa Manasqyzy (68 kg) jáne Samal Berikqyzy (+68 kg) saıysqa túsedi.
4 qyrkúıekke deıin sozylatyn baıraqty básekede Qazaqstannyń jastar quramasy keminde eki júlde alýdy kózdep otyr.