Ortalyq kommýnıkasııalar qyzmeti alańynda ótken baspasóz konferensııasynda Kóshi-qon komıtetiniń tóraǵasy Asqarbek Ertaev eńbek mıgranty retinde shetelde jumys istep júrgen qazaqstandyqtar máselesine toqtaldy, jazady Egemen.kz.
Ol óz baıandamasynda shetelde jumys isteıtin qazaqstandyqtardyń zańdy quqyqtarynyń qorǵalýyn qamtamasyz etý komıtettiń mindeti ekenin atap ótti.
Qazaqstannyń 194 myńnan astam azamaty shetelde jumys istep júr. Mysaly, Reseı Federasııasynda - 162 myń, Polshada - 13 myń adam, Ońtústik Koreıada - 6 myń, Ulybrıtanııada 5 myń adam eńbek etýde.
Túrkııa, BAÁ, Ulybrıtanııa jáne basqa da eldermen ondaǵy Qazaqstan azamattarynyń eńbek quqyqtaryn qorǵaıtyn jańa kelisimderge bastamashylyq etý úshin qosymsha sharalar qabyldanyp jatyr.
«Azamattarymyz Ońtústik Koreıada jumysqa zańdy túrde ornalasýy úshin Qazaqstandy eńbekke ruqsat berý júıesine qosý máselesi pysyqtalýda. Bul rette migration.enbek.kz saıtyna tirkele otyryp, osy júıe arqyly jumysqa ornalasýǵa bolady, ony eńbek utqyrlyǵy ortalyqtary júzege asyrady», dedi komıtet basshysy.