Memleket basshysy Qasym-Jomart Toqaev Qazaqstan halqyna arnaǵan Joldaýynda osylaı dedi, dep habarlaıdy Egemen.kz.
«О́zderińizge málim, byltyrdan beri elimizde aýqymdy saıası jańǵyrý jumystary júrgizildi. Nebári bir jarym jyldyń ishinde kóptegen ózgeris jasaldy. Oǵan barshańyz kýá boldyńyzdar, reformany júzege asyrý úshin belsendi túrde jumys istedińizder. Qolǵa alǵan sharalar nátıjesinde bılik tarmaqtary arasynda tıimdi tepe-teńdik ornady. Basqarý júıesi yqpaldy Parlamenti bar Prezıdenttik respýblıka úlgisine kóshti. Elimizde «kúshti Prezıdent – yqpaldy Parlament – esep beretin Úkimet» tujyrymdamasy barynsha ornyqty. «Halyq únine qulaq asatyn memleket» qaǵıdatyn naqty iske asyrýymyz qajet. Bul jerde Parlamenttiń róli erekshe», dedi Prezıdent.
Sondaı-aq ol adam quqyǵyn qorǵaý salasynda mańyzdy qadamdar jasalǵanyn sóz etti.
«Ádildikti jáne zań ústemdigin ornatý úshin aýqymdy jumys júrgizilip jatyr. Sheshim qabyldaý úderisine azamattardyń qatysý múmkindigi artty. Qoǵamnyń saıası mádenıeti múlde jańa sıpatqa ıe boldy», dedi Memleket basshysy.