Memleket basshysy Qasym-Jomart Toqaev Qazaqstan halqyna Joldaýynda halyqtyń turmys sapasyn jaqsartýǵa baǵyttalǵan sharalar týraly aıtty, dep habarlaıdy Egemen.kz.
Prezıdent Qazaqstan halqyna Joldaýynda halyqtyń turmys sapasyna tikeleı áser etken keıbir sharalardy atap ótti.
«2020 jyldan beri muǵalimderdiń jalaqysy eki ese ósti. Dárigerlerdiń aılyǵy da aıtarlyqtaı kóbeıdi. Qazir olardyń tabysy elimizdegi ortasha jalaqydan áldeqaıda joǵary. Jurtqa zeınetaqy jınaǵynyń bir bóligin paıdalaný múmkindigi berildi. Mıllıonǵa jýyq adam osy jobanyń ıgiligin kórdi – turǵyn úı máselesin sheship, baspanaly boldy. «Jaıly mektep» jobasy aıasynda 400-ge jýyq mektep salynady. Qazir aýyldyq jerde 300-den astam densaýlyq saqtaý nysany salynyp jatyr. «Ulttyq qor – balalarǵa» jobasy qolǵa alyndy. Sonyń arqasynda jańa jyldan bastap balalardyń esepshotyna qarajat túse bastaıdy. Igerilmeı jatqan nemese zańsyz berilgen 8 mıllıon gektar jer memleket menshigine qaıtaryldy», dedi ol.
Qasym-Jomart Toqaev jıynda naqty iske asqan sharalardyń bir bóligin ǵana atap ótti. Shyn máninde, atqarylǵan jumys kóp ekeni málim. Prezıdent bolashaqta da osy ıgi sharalar óz jalǵasyn tabatynyn aıtty.