Temirdeı tártip bolýy kerek

Jıynǵa elimizdiń túp­kir-túp­kirinen óńirlik qolbas­shy­lyq­­tar qolbasshy­larynyń, aka­demııa bastyǵynyń jáne áske­rı bólimder men «B» arnaıy ja­saq komandırleriniń tárbıe já­ne áleýmettik-quqyqtyq ju­mys­tar jónindegi orynbasarlary qatysty. Elýden astam áske­rı tárbıeshi bas qosqan oqý-ádis­temelik jıynda talqylanǵan taqyryp ózekti.

Jıyndy bastaǵan Ult­tyq ulan bas qolbas­shy­sy­nyń tárbıe jáne áleý­mettik-quqyqtyq ju­mystary jónindegi orynbasary, Halyq qaharmany, general-maıor Qaırat Úmbetov áskerdegi jeke quramnyń tár­bıe jumysyn jańa deńgeıge kóterý úshin birqa­tar mańyzdy máselege basa mán berýge shaqyr­dy. Áskerdiń óz ishinde túıini she­shile qoımaǵan túıtkildi máse­lelerge túbegeıli núkte qoıý úshin áýeli ony ashyq talqyǵa salyp, sheshilý joldaryn usyný qajet.

Osynaý jumystardy bir izge salý úshin Ishki ister mınıstriniń  «Ulttyq ulan áskerıleri boıyn­da jańa zaman talabyna saı moraldyq, áskerı, jaýyngerlik qasıetterdi qalyptastyrýda tárbıe jáne áleýmettik-qu­qyq­tyq jumystardy uıym­das­tyrý» atty 2023 jyldyń 15 mamyryndaǵy №396 buıryǵy aıasynda alǵashqy sabaq nusqaý­lyq-ádistemelik baǵytta ótti. Ulttyq ulannyń tárbıe jáne áleýmettik-quqyqtyq ju­mys­ta­­ry jónindegi Bas basqarma­sy­­nyń bastyǵy, polkovnık Aleksandr Kramar jeke qu­­­­­ram­­­­men tárbıe jumystary men psı­hologııalyq jáne ıdeo­logııa­­­lyq jumystardy jańǵyr­tý ba­ǵy­­tyndaǵy buıryq­tyń negiz­­gi ári mańyzdy tetikterin qalaı júzege asyrý kerektigin jetkizdi. Sonymen qatar jeke qurammen jumys isteýdiń negiz­gi nysandary men ádisteri tal­qylanyp, ár ofıserdiń qu­jattardy qanshalyqty meń­gergeni tekserilip, jaýyngerlik daıarlyqtyń negizgi pánderinen synaqtan ótti.

Ulttyq ulan ardageri, za­pas­taǵy polkovnık Murat Atı­­beev «Ulttyq ulandaǵy ofı­­serlik jıynnyń qazirgi jaǵ­­daıy» taqyrybynda baıan­dama jasap, «Shyǵys» óńir­lik qolbasshylyǵy ardagerler keńesiniń tóraǵasy, zapas­taǵy polkovnık Aıdar Oraz­baev «Áskerı qoǵamdyq uıym­darmen jáne «Sarbazdar anasy» komıtetimen birlese jumys atqarý» týrasynda, sonymen qatar «Ulttyq ulan sapyndaǵy áskerıler arasynda quqyq buzý­shy­lyqtyń aldyn alý boıynsha jasalǵan profılaktıkalyq ju­mystar» taqyrybynda nusqaý­lyq-ádistemelik sabaq júr- gizdi.

«Qalqan» gazeti men «Búrkit» jýrnaly redaksııasynyń aǵa ofıseri, polkovnık Qýa­nysh Qo­jahmetov áskerı tárbıe­shilerdi buqaralyq aqparat quraldarymen jumys isteýde qandaı negizgi qaǵıdalarǵa mán berý qajettigi týrasynda dáris ótkizdi. «Ulttyq ulanǵa baılanysty keıbir jalǵan aqparat qoǵam arasynda rezonans týdyryp jatady. Mundaıda shuǵyl áreket etip, qysqa merzimde naq­ty ári tolyq rastalǵan má­li­met­ti jarııalaýǵa tyrysý qa­jet», degen spıker BAQ-pen ju­mys isteý barysynda óńirlik qolbas­shylyqtardaǵy baspasóz qyzmeti basshylarynyń ju­mysyn odan ári jandandyrýǵa baǵyttalǵan birqatar usynysyn aıtty.

Áskerdegi tárbıe jumysyn uıymdastyrý máselelerin je­tildirý, jeke quramnyń áske­rı tártibi men quqyqtyq tár­tipti, sondaı-aq áskerı-pat­rıot­tyq jumysty nyǵaıtýǵa ar­nalǵan jıynda áskerı qyz­met­shiler arasyndaǵy moral­dyq-psıhologııalyq daıyndyq pen sýısıdtiń aldyn alýǵa, jar­ǵylyq emes qarym-qatynas­tardy joıýǵa erekshe nazar aýdaryldy. Áskerı tárbıeshiler osy úsh kún ishinde alǵan bilimderi men tájirıbelerin jas sarbazdarmen bólispek.