Qazaqstan qor bırjasy (KASE) 15:30-daǵy jaǵdaı boıynsha dollardyń ortasha saralanǵan baǵamy taǵy 0,58 teńgege qymbattap, 459,97 teńge bolǵanyn habarlady, dep jazady Egemen.kz.
Qytaı ıýaniniń ortasha saralanǵan baǵamy 62,89 teńgege (-0,11) tústi.
Ulttyq bank eýro baǵamyn 495,09 teńge, rýbl baǵamyn 4,74 teńge dep belgiledi.
Aqsha aıyrbastaý oryndarynda dollar – 459,5 - 462,5 teńge, eýro – 495,5 - 499,5 teńge, reseı rýbli – 4,67 - 4,87 teńge aralyǵynda saýdalanyp jatyr.
Sondaı-aq búgingi saýdada álemdik munaı baǵasy birshama arzandady.
Máselen, ICE Futures elektrondyq saýdasynda Brent markaly munaıdyń qarasha fıýchersteriniń quny 0,90%-ǵa arzandap, barreline 88,20 dollar boldy.
NYMEX elektrondyq saýdasynda qazan aıyndaǵy WTI munaı fıýchersteri 0,44%-ǵa arzandap, barreline 85,17 dollardy qurady.