Ústel tennısinen Ońtústik Koreıanyń Phenchhan qalasynda ótip jatqan Azııa chempıonatynyń komandalyq saıysynda Qazaqstan quramasy jeńis tuǵyryna kóterile almady.
Quramynda Kırıll Gerasımenko, Alan Qurmanǵalıev, Aıdos Kenjeǵulov jáne Vladıslav Zaharov bar elimizdiń erler komandasy Nepal (3:0), Bangladesh (3:0), Qyrǵyzstan (3:0) jáne Taılandtan (3:2) basym túskenimen, qola medal úshin básekede álem chempıonattarynda 11 ret jeńis tuǵyryna kóterilgen Ońtústik Koreıanyń órenderine (2:3) ese jiberdi. Záýresh Aqasheva, Sarvınoz Mirqadyrova, Anastasııa Lavrova jáne Angelına Romanovskaıaǵa senim artqan áıelder quramasy Bangladesh (3:0), Nepal (3:0), О́zbekstan (3:0) jáne Pákistandy (3:0) utqanymen, úshinshi oryn úshin tartysta Álem chempıonatynyń jeti dúrkin júldegeri degen ataǵy bar Gonkongqa (0:3) jol berdi.
Jerlesterimizge júldeli oryn buıyrmaǵany, árıne, ókinishti. Desek te osy nátıjeniń arqasynda elimizdiń erler jáne áıelder quramasy 2024 jylǵy Álem chempıonatyna qatysý quqyǵyna ıe boldy.