Bıylǵy Joldaýdyń buǵan deıingi qujattardan kóp ereksheligi bar. Eń bastysy, qujat ýaqyttyń ózi aldymyzdan shyǵaryp otyrǵan kóptegen kezek kúttirmes máseleni sheshý joldaryn qamtyǵandyǵymen qundy. Sonyń ishinde eń aldymen, ekonomıka salasyndaǵy kúrdeli másele qozǵalyp otyr.
Prezıdent alǵa qoıyp otyrǵan mindetterdi sheshý úshin óz isiniń mamany, bilikti kadrlar kerek ekeni sózsiz. Osyǵan oraı keıingi kúnderi elimizde kadrlyq aýys-túıis bolyp jatyr. Munyń bári Joldaýda aıtylǵan tapsyrmalardy oryndaý úshin jasalynyp jatqan alǵashqy qadam dep túsinemin. Degenmen Memleket basshysy Qasym-Jomart Kemeluly halyqtyń ál-aýqaty kóterilip, keleshegi jarqyn bolýy úshin adal azamattardyń el tutqasyn ustaýy týraly aıtty. Oǵan kóp adam nazar aýdarmaǵan syńaıly. Barlyq reformanyń sátti júzege asýy úshin óz isin sheber meńgergen kadrlardyń kerektigi óz aldyna, eń aldymen olar qyzmetine jáne eline adal azamattar bolǵany mańyzdy.
Adaldyq degennen kelip shyǵatyn taǵy bir ózekti másele bar. Joldaýda kóp bastama kóterildi, keleli olar aıtyldy. Mundaı jaqsy bastamalar buǵan deıingi Joldaýlarda da aıtylǵanyn bilemiz. Biraq sonyń kóbi oryndalǵan joq. Nege? О́ıtkeni oǵan qoǵamdy jaılaǵan jemqorlyq múmkindik bermedi. Reformalardyń adymyn ashtyrmady. Sondyqtan biz el ómirine jaýapty tutqalarǵa adal azamattardy ákelip, sybaılas jemqorlyq indetin birjola sheship almaı, Joldaýda aıtylǵan sózder sol sóz kúıinde qala beretin bolady. Sebebi halyqtyń jaǵdaıyn emes, aldymen óziniń jemsaýyn oılaıtyn sheneýnikter ártúrli sebep taýyp, Memleket basshysy usynyp otyrǵan reformalardyń júzege asýyna kedergi keltiredi.
Prezıdent aıtyp kele jatqan «Adal azamat» uǵymynyń mańyzy zor. Ádildik bar jerde bereke bolady, birlik artady.
Oralbaı ÁBDIKÁRIMOV,
memleket jáne qoǵam qaıratkeri