Astananyń syrt kelbetin biryńǵaı dızaın-kodqa sáıkestendirý jumysy jalǵasyp jatyr. Jyl basynan beri barlyq aýdanda ǵımarattardyń qasbetinen úsh myńnan astam jarnamalyq bılbord, mańdaısha men dóńgelekti jarnamalar alynyp tastaldy, dep habarlaıdy Egemen.kz qala ákimdiginiń resmı saıtyna silteme jasap.
Ákimdiktiń málimetinshe, bıyl tamyz aıynda qalada 636 jarnamalyq element anyqtalǵan. Úsh myńnan astam mańdaısha men syrtqy jarnama elementi bólshektelgen.
«Ǵımarattardyń qasbetinen sáıkes kelmeıtin jarnamalyq belgiler men bannerler alynyp tastalady. Mundaı ózgerister qalanyń kórkin arttyra túsedi. Bes aýdan ákimdiginiń qyzmetkerleri zańsyz jáne sáıkes kelmeıtin jarnamanyń dızaın-kodyn túsindirý jáne bólshekteý boıynsha kóshpeli is-sharalar ótkizip jatyr. Kásipkerlerge tıisti túsindirý jumysy júrgiziledi, dızaın-kodqa sáıkes kelmeıtin mańdaıshalardy aýystyrý qajettiligi týraly býkletter beriledi», delingen ákimdik taratqan aqparatta.