Qyzylordada patrýldik polısııa qyzmetkerleri 25 keliden asa esirtki zatyn tasymaldaǵan eki azamatty quryqtady, dep habarlaıdy Egemen.kz vedomstvonyń baspasóz qyzmetine silteme jasap.
«Qarasora» is-sharasy barysynda Qyzylorda oblysy Aral aýdany tusynda Samara - Shymkent tasjolynda jol erejesin buzǵan Toyota avtokóligi toqtatyldy. Tekserý barysynda kólikten sómkege salynǵan jasyl tústi zat anyqtalyp, aıǵaq zat retinde alyndy.
Saraptama qorytyndysynda kúdikti zattyń 25,2 keliden astam «keptirilgen marıhýana» ekendigi naqtylandy. Avtokólikti tizgindegen 43 jastaǵy júrgizýshi men 43 jastaǵy jolaýshysy Atyraý oblysynyń turǵyndary bolyp shyqty. Kúdiktiler ýaqytsha ustaý ızolıatoryna qamaldy. Atalǵan derek boıynsha QR QK 296-babynyń 4-bóligimen sotqa deıingi tergep-tekserý áreketteri júrgizilip jatyr. Tıisti saraptamalar taǵaıyndaldy», delingen habarlamada.